ನನ್ನ ಬಾಳು ನನ್ನದೇ.......??

ನಾ ಕಾಣುವ ಕನಸು ನನ್ನದಲ್ಲ.....
ನಾ ಕಾಣುವ ಕನಸಿನ ಬಣ್ಣ ನನ್ನದಲ್ಲ.....
ಓ ಜೀವ ಈ ಬಾಳು ನನ್ನದೇ......??
ನಿನ್ನ ಕನಸು ನಿನ್ನವೇ.....??
ನೀ ನಡೆವ ದಾರಿ ನಿನ್ನದೇ.....??

ಯಾರೋ ಬಯಸಿದ ದಾರಿ ನಿನ್ನದು....
ಯಾರೋ ಬದುಕಿ ಬಿಸುಟ ಬಾಳು ನಿನ್ನದು...
ನಿನ್ನ ಕನಸಿಗೆ ಬಣ್ಣ ಬಳಿದವರ್‍ಯಾರೋ.....??
ಯಾರದೋ ಬಣ್ಣಕ್ಕೆ ನಿನ್ನ ಕನಸು......

ಬಯಕೆಗಳ ಬಾಳಿಗೆ ಕನಸ್ಸಲ್ಲೂ ದಾರಿ ಇಲ್ಲ...
ತನು ನಿನ್ನದೇ.... ಆದರೆ ಮನ....??
ಮನದ ಆಸೆ... ಬಣ್ಣವಿಲ್ಲದ ಕನಸೇ....
ನಿನಗೆ ಇಷ್ಟು ಸಾಕೇ.....??

ನಿನ್ನನ್ನು ಕಂಡರೆ ಕಟ್ಟುಪಾಡುಗಳಿಗೆ ಮೋಹ...
ಆಸೆಗಳು ನೂರಾರು.... ಕನಸುಗಳು ಸಾವಿರಾರು..
ದಾರಿಗಳು ಹಲವಾರು... ಆದರೇ.....??
ನಿನ್ನ ಹೆಜ್ಜೆಗಳು ನಿನ್ನ ಬಳಿ ಇಲ್ಲ.....
ಯಾರದೋ ತಾಳಕ್ಕೆ ಕುಣಿವ ನಿನ್ನ ಕನಸುಗಳು...

ನಿನಗೆ ಸ್ವಾಭಿಮಾನವಿಲ್ಲವೇ....??
ಸ್ವಾಭಿಮಾನ....!! ನಿನಗೆಲ್ಲಿಂದ ಬರಬೇಕು....??
ಬೇರೆಯವರ ಆಸೆಗಳಿಗೆ ಅಂಟಿಕೊಂಡ ನಿನಗೆ
ಸ್ವಾಭಿಮಾನದ ಸುಳಿವೆಲ್ಲಿ.....??
ಈ ನಿನ್ನ ಬಾಳು ನಿನ್ನದೆ....??